വാട്‌സ്ആപ്പിൽ പുതിയ യൂസർ നെയിം ഫീച്ചർ: ഫോൺ നമ്പർ വെളിപ്പെടുത്താതെ

August 27, 2024

സാങ്കേതികവിദ്യ

മെറ്റയുടെ ഉടമസ്ഥതയിലുള്ള വാട്‌സ്ആപ്പ്, ഉപയോക്താക്കൾക്ക് മൊബൈൽ നമ്പർ ആവശ്യമില്ലാതെ തന്നെ ചാറ്റ് ചെയ്യാമെന്ന പുതിയ സംവിധാനം വാട്‌സ്ആപ്പിൽ കൊണ്ടുവരുന്നു.

പുതിയ അപ്ഡേറ്റിൽ ഉപയോക്താക്കൾക്ക് അവരുടെ ഇഷ്ടാനുസരണം യൂസർ നെയിം സൃഷ്ടിക്കാം, പിന്നീടുള്ള ചാറ്റ് സമ്പർക്കത്തിനും ഇതുപയോഗിക്കാം. ഇതുവരെ, വാട്‌സ്ആപ്പിന്റെ സന്ദേശ സേവനം മൊബൈൽ നമ്പർ അടിസ്ഥാനമാക്കിയായിരുന്നു.

പുതിയ അപ്‌ഡേറ്റ് യൂസർ നെയിമുകൾ പ്രകാരമുള്ള സംവിധാനം അവതരിപ്പിക്കും, ഇത് ഉപയോക്താക്കൾക്ക് തങ്ങളുടെ സ്വകാര്യത സംരക്ഷിക്കാനുളള പുതിയ മാർഗ്ഗം നൽകും. ഓരോ ഉപയോക്താവിനും വ്യത്യസ്തമായ യൂസർ നെയിം ലഭ്യമാകും, മറ്റൊരാൾ സമാനമായ നെയിം ഉപയോഗിക്കാൻ സാധിക്കില്ല.

നിലവിലെ മൊബൈൽ നമ്പർ അടിസ്ഥാനത്തിലുള്ള സന്ദേശങ്ങൾ തുടരും. എങ്കിലും, ഈ പുതിയ ഫീച്ചർ എപ്പോഴാണ് പുറത്തിറങ്ങുമെന്ന കാര്യത്തിൽ ഇപ്പോഴും ഔദ്യോഗിക വിവരങ്ങൾ ലഭ്യമല്ല.